Поездга олдиндан чипта харид қилганлар учун 45 фоизгача чегирма

“Ўзтемирйўлйўловчи” АЖ жорий йилнинг январь ойидан бошлаб йўловчилар учун қўшимча имтиёзлар берилишини эълон қилди.

Энди халқаро йўналишларда қатнайдиган йўловчи поездларига чипталарни олдиндан xарид қилиш муддатига қараб чегирмалар тақдим этилади.
 
Йўловчи купе ва маxсус вагонлар учун чиптани:

• поезднинг жўнаш кунидан 45-31 кун олдин xарид қилса - 45%;
• поезднинг жўнаш кунидан 30-6 кун олдин xарид қилса - 35% чегирмага эга бўлади.
 
Плацкарт вагонлар учун чиптани 45-31 кун олдин xарид қилганларга 35% чегирма берилади.
 
Бундан ташқари, чиптани поезднинг жўнаш кунидан 5 кун олдин ва ундан камроқ вақт қолганда xарид қилган йўловчилар учун чипта нархига 5% устама қўшилади.
 
Мазкур чегирмалар ички йўналишлар, шунингдек, гуруҳ бўлиб йўлга чиққан йўловчиларга нисбатан татбиқ этилмайди.