АҚШнинг Тулса шаҳрида (Оклахома штати) жойлашган ҳайвонот боғидаги йўлбарс 3 ёшли қизчанинг ўйинчоғига “кўз олайтирди”, бироқ йиртқичга “режасини” амалга оширишга ойнаванд тўсиқ халақит қилди.
Қизчанинг онаси томондан олинган видеороликда йўлбарс тўсиқнинг нариги томонида турган ўйинчоққа ташланганини, бироқ унинг уриниши шубҳасиз бесамар кетганини кўриш мумкин. Шундан кейин у ойна олдида ётиб, ўйинчоқдан кўзини узмаганча, уни панжалари билан олишга ҳаракат қилади.
Ушбу вазият кўпчилик гувоҳларга хуш келган. Кадр ортидаги аёллардан бири эса бу вазиятни умрида кўрган “энг ёқимли ҳолат” деб атаган.
