Мексика президентининг қариндоши босқинчилар томонидан отиб кетилди

Фото: AP Photo / Gustavo Aguado

Мексика президенти амакисининг ўғли Мехико штатида ўлдирилди. Бу ҳақда «РИА Новости» Proceso порталига асосан хабар қилмоқда.

Ҳодиса Мексика етакчисининг она шаҳри Атлакомулькода 4 февраль куни кечқурун юз берган. Таъкидланишича, Энрике Пенья Ньетонинг қариндоши - Масимино Монтьель Пенья – автомобилини олиб қочиб кетмоқчи бўлган босқинчиларга қаршилик кўрсатиш вақтида отиб ўлдирилган. Унинг жасади машина ёнидан топилди.

Ушбу ҳолат бўйича тергов олиб борилмоқда. Давлат раҳбари бу борада изоҳ бермаган.