Трамп муҳожирларни танлаб олиш бўйича махсус марказ ташкил қилди

Фото: Depositphotos

АҚШ президенти Дональд Трамп ўз фармони билан муҳожирларни танлаб олиш бўйича миллий марказни ташкил қилди. Бу ҳақда Оқ уй сайтида хабар берилган.

«Миллий марказ президентнинг департаментлар ва агентликлар ўртасида мигрантларни текшириш бўйича ўзаро ҳаракатларини яхшилаш борасидаги талабини бажаришга ёрдам беради», - дейилади хабарда.

Таъкидланишича, марказ Ички хавфсизлик вазирлиги доирасида ташкил этилмоқда. У Давлат департаменти, Адлия вазирлиги ва миллий разведка билан мувофиқ ҳолда ишлаши айтилмоқда.