АҚШ демократлари етакчиси конгрессда саккиз соат маъруза қилди

Фото: AP Photo / J. Scott Applewhite

АҚШ вакиллар палатасидаги демократлар етакчиси Нэнси Пелоси саккиз соат давомида Конгрессда нутқ сўзлади. Бу ҳақда РИА «Новости» хабар бермоқда.

Хабарда айтилишича, 77 ёшли Пелоси умуман танаффус қилмаган ва фақат сув ичган. Шу тариқа у республикачилар демократлар билан бюджет муросаси ҳақида келишиб олганликлари, бироқ муҳожирларнинг эҳтимолий легаллаштирилишига эътибор қаратишмаганига норозилик билдирди.

Пелоси ўзининг саккиз соатлик маърузаси билан вакиллар палатасида нутқ сўзлаш давомийлиги бўйича сўнгги юз йиллик рекордини ўрнатди.