Ироқни тиклаш тахминан қанчага тушиши маълум қилинди

Фото: AP

Ироқни кўп йиллик уруши ва иқтисодий таназзулдан сўнг тиклаш мамлакатга 88,2 млрд долларга тушади. Бу ҳақда Ироқ режалаштириш вазири Қусой Абдулфаттоҳ Кувайтдаги матбуот анжуманида маълум қилди, деб хабар бермоқда Reuters.

Ушбу миқдордан 22 млрд доллари қисқа муддатда талаб этилади, 65 млрд доллари эса – ўрта муддатли истиқболда.

Пуллар биринчи навбатда уй-жой коммунал хўжалиги реконструкциясига сарфланиши лозим.

Эслатиб ўтамиз, аввалроқ уруш туфайли 1,3 миллион ироқлик болалар уйини тарк этгани хабар берилганди.