Президент Бухорога жўнаб кетди

Ўзбекистон президенти Шавкат Мирзиёев бугун, 16 февраль куни Бухоро вилоятига жўнаб кетди. Бу ҳақда «Kun.uz» манбаси хабар берди.

Президент жойларда ижтимоий-иқтисодий ислоҳотларнинг бориши, амалга оширилаётган бунёдкорлик ва ободонлаштириш ишлари билан яқиндан танишиш, халқ билан мулоқот қилишни мақсад қилган.

Бу президент жорий йилда бораётган тўртинчи вилоят бўлмоқда. Бунгача президент Сурхондарё, Қашқадарё ва Самарқандда бўлганди.