Токиода ёғочдан энг баланд осмонўпар бино қурилмоқчи 

Токиода ёғочдан энг баланд осмонўпар бино барпо этилмоқчи. Бино қурилиши билан Sumitomo Forestry Co япон компанияси шуғулланади. Ғояга кўра, бино 70 қаватли бўлади, баландлиги 350 метрни ташкил қилади.  

Янги бино деярли тўлиқ ёғочдан қурилади, унда пўлат 10 фоизгина бўлади. Бинонинг барча томонларидаги балконларда биологик турфа хилликни сақлаб қолиш учун ўсимликлар экиб чиқилади. Бино қурилиши 600 млрд иенга (5,6 млрд доллар) айланади. 

Япония ҳукумати узоқ вақт ёғоч бинолар афзалликларини таъкидлаб келган ва 2010 йилда 3 қават ва ундан пастроқ барча биноларда ёғоч элементларни қўллашга мажбурловчи қонун қабул қилган.