Петербургда теракт ижро этишни режалаштирган марказий осиёлик мигрантлар ушланди

Россия Федерал хавфсизлик хизмати (ФСБ) бошқармаси ходимлари Санкт-Петербург ва Ленинград областида ўтказилган рейдлар давомида келиб чиқишига кўра Марказий Осиёдан бўлган 4 кишини ушлади. Бошқарма матбуот хизматига асосланиб РИА Новости агентлиги тарқатган хабарга кўра, бу шахслар Петербургда терактлар содир этишга тайёрланган.

«22 февраль куни ФСБ Санкт-Петербургда Марказий Осиё давлатларидан келган мигрантларни қўлга олди, улар шаҳардаги транспорт инфратузилмалари объектларида ва кишилар кўп тўпланадиган бошқа жойларда террорчилик актлари содир этишни режалаштирганди», — дейилган хабарда.

Айни вақтда зарур оператив-қидирув тадбирлари ва тергов жараёни олиб борилмоқда. Ҳозирча тергов манфаатлари туфайли қўлга олинганларнинг шахси маълум қилинмаяпти.