Фото: Getty Images
УЕФА сайтида Чемпионлар Лигаси нимчоракфиналининг жорий ҳафтада ўтказилган баҳсларининг энг яхши футболчисини аниқлаш бўйича ўтказилган сўровнома якунланди.
Унинг натижаларига кўра, «Манчестер Юнайтед» посбони Давид Де Хеа 48% овоз тўплаб, биринчи ўринни эгаллади. Дарвозабон «Севилья»га (0:0) қарши ўйинда 8та сэйвни амалга оширганди.
Кейинги ўринлар қуйидагича тақсимланди - «Челси» яримҳимоячиси Виллиан (28%), «Бавария» ҳужумчиси Томас Мюллер (17%) ва «Шахтёр» яримҳимоячиси Фред (7%).
