ЕТТБ ва ЕИ Ўзбекистонда кичик бизнес Минтақавий дастурини бошлади

Европа тикланиш ва тараққиёт банки (ЕТТБ) ҳамда ва Европа Иттифоқи (ЕИ) бугун Ўзбекистонда кичик бизнесни ривожлантириш дастурини бошлади.

Лойиҳа бутун Марказий Осиёда микро, кичик ва ўрта бизнесни (МКЎБ) молиялашда ноу-ҳаудан фойдаланишга қаратилган. Ушбу лойиҳа ЕТТБ раҳбарлигида амалга оширилмоқда ва Европа иттифоқи томонидан молиялаштирилади.

Ўзбекистонда RSBP МКЎБни молиялаштириш билан шуғулланувчи молия муассасаларига билим алмашиш имконини беради.

РСБП лойиҳаси шунингдек, ЕТТБнинг ушбу соҳадаги тажрибасига электрон тизимдан тизимли равишда киришда молиявий муассасаларни қўллаб-қувватлайди.

Ушбу платформа аста-секин онлайн-таълим тизимига айлантирилиши кутилмоқда, у Марказий Осиёдаги молиявий институтларга ўз хизматларини тақдим этади. Бундан ташқари, Ўзбекистондаги молия институтлар МКЎБга хизмат кўрсатиш билан боғлиқ турли мавзулар бўйича мунтазам кундузги таълим олиш имкониятига эга бўлади.