Ўзбекистон Олий суди делегацияси Францияга борди

Ўзбекистон Олий суди раиси К.Комилов бошчилигидаги мамлакат делегацияси 19-28 февраль кунлари Францияга ташриф буюргани хабар берилганди.

Ташриф давомида Адлия вазирлиги, ушбу мамлакат Давлат кенгаши, Кассация суди, Париж Тижорат суди, Халқаро арбитраж суди, Апелляцион маъмурий суд, шунингдек, Бордо шаҳри Миллий магистратура мактаби ва бошқа ташкилотларда учрашув ҳамда музокаралар ўтказилди.

Томонлар музокараларда икки давлатда суд-ҳуқуқ соҳасида амалга оширилаётган ўзгаришлар борасида фикр алмашишди, шунингдек, Ўзбекистон қонунчилигини такомиллаштириш, республика томонидан инсон ҳуқуқларини ҳимоя қилиш соҳасида ўзига олган мажбуриятларни бажариш ҳолати муҳокама этилди.

Ушбу муҳим соҳаларда ҳозирги ва келажакдаги имкониятларни ҳисобга олган ҳолда ҳамкорликни мустаҳкамлаш бўйича келишувга эришилди.