Трамп Ким Чен Ин билан музокаралар “катта муваффақият” билан кечишини тахмин қилди

Фото: AP Photo

АҚШ президенти Дональд Трамп Шимолий Корея етакчиси Ким Чен Ин билан музокаралар катта муваффақият билан ўтишини кутаётганини айтган.

“Фикримча Шимолий Корея билан ҳаммаси яхши бўлади, ўйлайманки, бизни катта муваффақият кутмоқда. Бизда катта қувватлов бор. Шу сабабли, ўйлашимча, Шимолий Корея билан барчаси яхши бўлади”, деб журналистларнинг Шимолий Корея билан музокаралар бўйича прогноз ҳақидаги саволларига жавоб берган Трамп.

Трамп музокаралар вақтида ядровий синовлар тўхтатилишини кутаётгани, Шимолий Корея ядровий қуролсизлантириш имконини кўриб чиқаётганини айтган.

“Шунинг учун ҳаммаси яхши бўлади”, деб ўз сўзларини интиҳолаган Трамп.

Трамп Шимолий Корея етакчисининг учрашув ҳақидаги таклифини қабул қилган. Учрашув май ойигача бўлиб ўтиши режалаштирилмоқда. Оқ уйда учрашув жойи ва санаси кейинроқ келишиб олиниши маълум қилинган.