АҚШ Сурияга яна зарба бериш билан таҳдид қилди

Фото: РИА Новости/Михаил Алаеддин

БМТ Дамашқ яқинидаги Шарқий Ғутада жанглар тўхтатилишига эриша олмаса, унда АҚШ Сурияга яна зарбалар бериши мумкин. Бундай огоҳлантиришни АҚШнинг БМТдаги доимий вакили Никки Хейли Хавфсизлик кенгаши йиғилишида маълум қилган.

“Бу биз истаётган йўл эмас, бироқ бу, намойиш қилганимиздек, биз танлайдиган йўл”, деб айтган Хейли.

У 2017 йил апрелда АҚШ Сурия ҳукумати қўшинлари авиабазасига зарба берганини эслатиб ўтган. Ўшанда ғарб давлатларининг таъкидлашича, бу авиабазадан Хон-Шайхун шаҳрига кимёвий ҳужумни амалга ошириш учун самолётлар кўтарилган.