Эквадор нефть ва газ конларини сота бошлади

Эквадор хорижий компаниялар учун тўртта нефть ва битта газ конини сотувга қўйди, бу 800 млн доллар миқдорида сармояларни жалб этиш учун амалга оширилди, деб хабар қилмоқда РИА «Новости» Petroamazonas компаниясига таянган ҳолда.

Баёнотда Амазониядаги  «Гуйабено Сансауари», «Осо», «Юралпа», «Вланка Винита» ва «Амистад» лойиҳалари ҳақида сўз юритилади. Сервис шартномалари ўн йилга имзоланиши режалаштирилган. Шартномалар бўйича тўловлар нефть жаҳон нархларига боғланган бўлади.

Савдолар якунлари ҳукумат томонидан июнь ойида эълон қилинади.

Шунингдек компаниядан таъкидлашларича, 2017 йилда Эквадор муваффақиятли савдоларни ўтказган, улар мамлакатга 700 млн доллар миқдорида сармоя келтирган.