Бугун Чемпионлар лигасида нимчорак финалнинг яна икки учрашуви бўлиб ўтади. «Барселона» «Камп Ноу»да «Челси»га қарши, «Бешиктош» «Водафоне»да «Бавария»га қарши жавоб учрашувларида майдонга тушади.
БАРСЕЛОНА – ЧЕЛСИ
15 март. Барселона. «Камп Ноу». 00.45
Биринчи ўйин – 1:1.
Куннинг интригали ўйини Каталония пойтахтида бўлиб ўтади. Барча ҳакам ҳуштаги янграши ва футболчилар ўзаро жанг бошлашини кутмоқда. Бу ўйинга мезбонлар етакчиси Лионель Месси кўп фарзандли оила бошлиғи сифатида тушиб келади. «Челси»дан бу ўйинда матонат кўрсатиш талаб этилади. Антонио Конте Эрнесто Вальвердени ўз қоидалари бўйича ўйнашга мажбур қила оладими?
«Стэмфорд Бриж»да ўтказилган биринчи учрашувда мезбонлар «Барселона» билан тенгма-тенг ўйнашганди. Фақат Кристиансен йўл қўйган битта хато туфайли ғалаба бой берилганди.
Майдон эгалари сафида таркибга Иньеста ҳам қайтмоқда. Аммо бу ўйинда Канте ҳам ўйнаса, Андреаснинг ўзини кўрсатиш имкониятлари пасайиши тайин. Шунингдек, Лондон клуби сафида Азар ва Виллиан ҳам жуда юқори формада. Айниқса, каталонияликлар жамоаси бош мураббийи Виллиандан чўчимоқда: «Виллиан кўп гол уряпти. Албатта уни диққат билан қўриқлашимиз лозим, чунки у ҳозир жуда яхши жисмоний ҳолатда. Бироқ, «Челси» фақат Виллиандан иборат эмас. Бу жамоа Англиянинг амалдаги чемпиони эканини унутмайлик».
Лекин айтиш керакки, «Барселона»га қарши ўйинда рақиб жамоанинг ҳар бир футболчиси бир бош юқори ўйин кўрсатиши керак бўлади.
Акс ҳолда ўтган ҳафталарда «Манчестер Сити» ва «Манчестер Юнайтед»га қарши ўйинларда бўлгани каби «Челси»га куч етмай қолиши мумкин. Қолаверса, шанба куни «Кристал Пэлас» ҳам Контега муаммолар туғдирди. Таққослаб кўринг, Заа ва ван Анҳольт қаердаю, Месси ва Суарес қаерда.
Тахминий таркиблар:
«Барселона»: тер Стеген; Роберто, Пике, Умтити, Альба; Паулиньо, Ракитич, Бускетс, Гомеш; Месси, Суарес
Ўйнамайди: Семеду (жароҳат)
Сўроқ остида: Иниеста (жароҳат)
«Челси»: Куртуа; Аспиликуэта, Кристенсен, Кэхилл; Моузес, Фабрегас, Канте, Алонсо; Виллиан, Мората, Азар
Ўйнамайди: Давид Луис (заявка қилинмаган), Баркли (жароҳат)
Сўроқ остида: Рюдигер (жароҳат).
БЕШИКТОШ – БАВАРИЯ
14 март. Истанбул. «Водафон Арена» стадиони. 23.55
Биринчи ўйин – 0:5.
Гуруҳ босқичида Германия вакили «Лейпциг»ни икки учрашувда ҳам енгган (2:0, 2:1) турклар «Бавария» билан тенгма-тенг ўйин кўрсатиши кутилганди. Аммо «қора бургутлар» нимчорак финалнинг биринчи ўйинидаёқ кейинги босқичга чиқишдан умид узишди - Мюнхендаги учрашувда йирик мағлубият қайд этилди (0:5).
«Бешиктош»нинг бу мағлубиятини оқлайдиган жиҳат ҳам бор, ўйин дебютидаёқ Дамагой Вида қизил карточка олганди ва жамоа кучли рақибга қарши бир киши кам бўлиб қаршилик кўрсата олмади. Зарбалар нисбати 34:1.
Ўйиндан кейин Шенол Гунеш шогирдлари Туркия чемпионатида «Фенербаҳче»ни 2:1 ҳисобида енгди, кўп ўтмай бу жамоага қарши Кубок баҳсида дерби учрашуви ўтказилди, драматик кечган баҳсда икки жамоадан жами 3 футболчи четлатилди. «Бавария»га қарши ўйин арафасида «бургутлар» Суперлига ўртамиёналари бўлган икки жамоага қарши ўйинларда осон ғалабаларни қўлга киритди.
«Бавария машинаси» баҳорги айланишга чиққан. Юпп Ҳайнкесс бошқарувидаги жамоа ўз йўлида чиққанларни янчиб ўтмоқда. Охирги 4 учрашувда мюнхенликлар 15та гол уриб, битта ҳам гол ўтказмади.
Бугунги ўйинда «Бавария» тўлиқ куч билан ҳаракат қилишини кутмаймиз. Асосий таркибнинг бирданига 5 футболчиси охирги машғулотларда қатнашмади: Левандовски, Мюллер, Роббен, Рибери и Алаба. Маълум бўлишича, Роббен ҳатто Истанбулга учиб келмаган - мураббий унга дам беришга қарор қилган. Бу ўйинга Толиссо ҳам заявка қилинмаган. У «Ҳамбург»га қарши ўйинда жиддий жароҳат олганди. Хамес Ҳайнкесснинг рўйхатида, аммо мураббий уни ҳали тўла тузалмаган деб ҳисоблаб, майдонга туширмаслиги ҳам мумкин.
Мезбонлар сафида эса дисквалификацияси бор Видадан ташқари, жароҳатланган Пепе ҳам қатнашмаслиги аниқ. Нукан, Кавлак ва Тўра ҳам жароҳатини даволаш билан банд.
