Афғонистон бўйича конференцияда қатнашадиган АҚШ делегацияси таркибида ўзгаришлар юз бердими?

Фото: Ташқи ишлар вазирлиги

Россиянинг «ТАСС» ахборот агентлиги Ўзбекистон Ташқи ишлар вазирлигига Тошкентда бўлиб ўтиши режалаштирилган Афғонистон бўйича халқаро конференцияга оид савол йўллади. Бу ҳақда ТИВ ахборот хизмати хабар бермоқда.

Саволда АҚШ Давлат департаменти раҳбариятидаги ўзгаришлар муносабати билан Афғонистон бўйича халқаро конференцияда иштирок этадиган АҚШ делегацияси таркибида ўзгаришлар юз берганига ойдинлик киритиш сўралган.

Ўзбекистон ТИВ жавобида айтилишича, АҚШнинг Тошкентдаги элчихонаси Афғонистон бўйича халқаро конференцияда АҚШ делегациясига Давлат котибининг сиёсий масалалар бўйича ўринбосари Томас Шеннон раҳбарлик қилиши ҳақида расман маълум қилган.

Шунингдек, Тошкент форумида Япония ташқи ишлар вазирининг махсус ёрдамчиси, элчи Ҳироши Такаҳаши бошчилигидаги делегация ҳам иштирок этишини айтилади.