Жиззахда жиддий ЙТҲ, икки киши ҳалок бўлди

Жиззах вилоятининг Пахтакор туманида 17 март куни соат 03.00ларда Сурхондарё вилояти Сариосиё туманида яшовчи, 1988 йилда туғилган Б.Б. бошқарувидаги “Нексия” русумли автомашинани “Тошкент-Термиз” М-39 йўлининг 947-километрида ҳайдаб кетаётиб, шу йўналишда йўлнинг четида тўхтаб турган Денов туманида яшовчи, 1969 йилда туғилган А.Н. бошқарувидаги “Камаз” русумли юк автомашинанинг орқа қисмига урилиб, тўқнашув содир этган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари  билан алоқалар бошқармаси хабар бермоқда.

Натижада “Нексия” автомашинаси йўловчилари А.Я., А.О. жароҳат олиб, воқеа жойида ҳалок бўлган, Ж.М. ҳамда Б.О. жароҳат олиб, касалхонага ётқизилган. Мазкур ҳолат юзасидан тергов ҳаракатлари олиб борилмоқда.