“Ласетти”ни ваъда қилган шахс 132 млн сўмга чув тушириб кетди

Тошкент шаҳрининг Миробод туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 17 март куни ИИБга тушган маълумотларга кўра, 2017 йил май ойида Юнусобод тумани 10-даҳа 18-уйда яшовчи, 1984 йилда туғилган О.Ю. Яшнобод туманида яшовчи И.А.га автосалондан “Ласетти” русумли автомашина олиб беришини айтиб алдаш йўли билан ишончига кириб, ундан 132.000.000 сўм пулларини олиб, берган ваъдасини бажармай, пулларни ўз эҳтиёжлари учун ишлатиб юборганлиги маълум бўлган.

Кўрилган чоралар натижасида О.Ю. ушланган.