Тошкентда тадбиркорни 50 минг долларга чув туширган бошқа бир тадбиркор ушланди

Тошкент шаҳрининг Шайхонтоҳур туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 20 март куни ИИБга тушган маълумотларга кўра, 2014 йил 15 апрель куни Чорсу даҳасида яшовчи, хусусий тадбиркор, 1983 йилда туғилган С.М. хусусий тадбиркор И.А.нинг уйида Хитой Халқ Республикасидан саломатликни тиклаш учун мўлжалланган билак узук ва ичимлик суви фильтрларини олиб келиб беришини айтиб, алдаш йўли билан ишончига кириб, 50.000 АҚШ долларини олиб, берган ваъдасини бажармай пулларни ўз эҳтиёжлари учун ишлатиб юборганлиги маълум бўлган.

Кўрилган чоралар натижасида С.М. ушланган.