Лондондаги бино томида ўз жонига қасд қилмоқчи бўлаётган эркаклар кўринишидаги ҳайкаллар ўрнатилди

Британиянинг ITV телекомпанияси вакиллари ўз офис марказлари биноси томида юқоридан пастга ўзини отмоқчи бўлаётган эркаклар кўринишидаги 84 та ҳайкалдан иборат композицияни ўрнатди. Бу ҳақда CNN телеканали хабар бермоқда.  

Ҳайкаллар 45 ёшдан кичик эркаклар ўртасида ўз жонига қасд қилишнинг олдини олишга бағишланган “Лойиҳа 84” доирасида ўрнатилган. Статистикага кўра, бу ёшдагилар ҳиссасига Буюк Британияда энг кўп ўз жонига қасд қилиш ҳолатлари тўғри келади.

Лойиҳа муаллифлари интернетда Британия ҳукуматини ўз жонига қасд қилишнинг олдини олиш дастурларини такомиллаштиришга чақирувчи петицияни ҳам жойлаштиришган.

Буюк Британияда 1961 йилгача ўз жонига қасд қилишни жиноят сифатида таснифловчи қонун амал қилган.