ЖЧ-2018 парвозларининг маршрут йўналиши шакллантирилди

Жаҳон чемпионати ўйинларини қабул қиладиган шаҳарларни 55та йўналиш бўйича авиарейслар боғлайди, деб хабар беради Росавиация.

Йўловчи ташиш дастурида 17та авиакомпания иштирок этишини тасдиқлаган. Улар: «Азимут», «Алроса», «Аэрофлот», «Нордавиа», «Нордстар», «Победа», «Ред Вингс», «Россия», «Руслайн», «Саратовские авиалинии», «Северний ветер», «Сибирь», «Уральские авиалинии», «ЮВТ Аэро», «ЮТэйр», «Якутия» ва «Ямал».

55та йўналиш жаҳон чемпионати ўйинларини қабул қилувчи барча шаҳарларни бир-бирига боғлаш имкониятини беради.

Россия авиакомпаниялари рейсларининг ягона графиги 2018 йил ёзи учун мўлжалланган парвозлар жадвалига асосан тузилади. Агар зарурат туғилса, авиакомпаниялар йўловчи оқими юқори бўлган йўналишларда рейслар сонини кўпайтиришади.