Қурол сақлаш қоидасига риоя қилмаган опа ўз синглисини отиб қўйди

Фото: mvd.uz

Тошкент вилоятининг Оҳангарон шаҳрида кўнгилсиз ҳодиса юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 27 март куни соат 21.30ларда, “Ёшлик” маҳалласи Мустақиллик кўчасида яшовчи, 2005 йилда туғилган Н.Э. уйида шкаф ичидан, бирга яшовчи буваси Д.Э.га тегишли тир пневматик милтиғини олиб ўйнаётган вақтида бехосдан милтиқдан ўқ отилиб кетиб бирга яшовчи синглиси, 2012 йилда туғилган Э.Э.нинг пешона қисмига тегиб, жароҳат олиб, Тошкент шаҳрида жойлашган РШТЁИМга ётқизилган.

Суриштирув ишлари олиб борилмоқда.

#қурол #Оҳангарон