Оҳангаронда 19 хил сифати кафолатланмаган дорилар муомалага киритилишининг олди олинди

Ушбу дори воситаларининг умумий баҳоси 241,1 млн сўмни ташкил этади.

Фото: Бош прокуратура ҳузуридаги Департамент

Бош прокуратура ҳузуридаги Департаментнинг Оҳангарон шаҳри бўлими ва бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилди.

Тадбир давомида фуқаро М.И. 19 турдаги 6 597 дона сифати кафолатланмаган дори воситаларини бошқа фуқарога сотиш мақсадида олиб келган вақтида ушланиб, ушбу дори воситалари ашёвий далил сифатида олинди.

Қайд этилишича, ушбу дори воситаларининг умумий баҳоси 241,1 млн сўмни ташкил этади.

Мазкур ҳолат юзасидан Жиноят кодексининг 186-3-моддаси билан жиноят иши қўзғатилиб, тергов ҳаракатлари ўтказилмоқда.