Қўшимча функционаллар
-
Тунги кўриниш
Хизматкорнинг ўлими Кувайт ва Филиппин ўртасига низо солмоқда
Фото: Associated Press
Ливанлик эркак ва унинг суриялик турмуш ўртоғи якшанба куни Кувайт судида осиш орқали ўлим жазосига ҳукм қилинди. Улар филиппинлик хизматкор аёлни ўлдиришда айбланмоқда. DailySabah шу ҳақида хабар берди.
Кувайт инсон ҳуқуқлари жамияти вакили Муҳаммад Ал-Отайбийнинг айтишича, Кувайт жиноят суди томонидан чиқарилган қарор қайта кўриб чиқилиши мумкин.
Гумондорлардан бири ливанлик Надир Эссам Ассаф февраль ойи охирида Ливанда қўлга олинган. Унинг турмуш ўртоғи Мона Ҳасун эса Сурия расмийлари томонидан Дамашқда қўлга олинди. Жуфтлик ҳали Кувайтга экстрадиция қилинмади.
Улар 29 ёшли Жоанна Даниэла Демафелиснинг охирги иш берувчилари бўлишган. Аёлнинг жасади Кувайтдаги квартиралардан биридаги музлатгич камерасидан топилган.
Экспертиза натижалари аёлнинг калтаклангани, унинг қовурғалари сингани, ички қон кетиши ва шишларни қайд этган.
Демафелиснинг ўлими Кувайт ва Филиппин ўртасидаги тарангликни янада кучайтирди.
Филиппин президенти Родриго Дутерте Форс кўрфази мамлакатида филиппинликларга нисбатан бундай шафқатсиз муносабатни қоралади ва филиппинликларнинг Кувайтга ишлагани боришини тақиқлади.
Мавзуга оид
10:32
Ошкора қотиллик – Бухорода эркак ҳамманинг кўз ўнгида икки кишини пичоқлади
11:46 / 05.10.2024
Ёлланма қотиллар, сирли буюртмачи ва чалғитилган тергов – Намангандаги мудҳиш қотиллик тафсилоти
21:04 / 02.10.2024
Ҳиндистонда ўқитувчилар «мактаб фаровонлиги» учун ўқувчини қурбон қилишди
16:30 / 01.10.2024