Афғонистонда авиазарба оқибатида 60 га яқин киши ҳалок бўлди

Фото: twitter.com-todaynews944

Афғонистон ҳарбий-ҳаво кучлари деб тахмин қилинаётган кучларнинг Қундуз вилоятига берган авиазарбаси оқибатида 60 га яқин киши ҳалок бўлди. Ҳужум давомида “Толибон” ҳаракати жангарилари томонидан назорат қилинувчи Дашт-а-Арчи туманидаги мадраса биноси барбод бўлган. Маълум қилинишича, ҳалок бўлганларнинг кўпчилиги толиблар ва маҳаллий аҳолидир.

Pajhwok ахборот агентлиги маълумотларига кўра, камида 20 киши маҳаллий шифохонага етказилган. Авиазарба вақтида мадрасада 200 дан кўпроқ одам, жумладан “Толибон” олий кенгаши – Покистоннинг Кветта шаҳрида жойлашган “Кветта шўро” аъзоларидан бири бўлган.

2017 йилда Афғонистонда “Толибон” ва ИШИД террорчилик гуруҳининг ҳужумлари оқибатида 10 мингдан кўпроқ тинч аҳоли ҳалок бўлган.