“Ғишткўприк”да кийимлари орасига яширган ҳолда 39та телефонни олиб кирмоқчи бўлган аёл ушланди
Амалдаги тартибларга мувофиқ, жисмоний шахслар автомобиль йўли (пиёдалар йўли) ўтказиш пунктлари орқали мамлакатга кириб келиш чоғида 300 АҚШ доллари миқдоридаги товарларни ёзма декларацияламасдан олиб киришлари мумкин. Бунда ушбу миқдордаги товарлардан божхона тўловлари ундирилмайди. Ушбу миқдордан ошган товарларни эса ёзма декларациялаган ҳолда, божхона тўловларини тўлаб олиб кириш мумкин, деб хабар бермоқда Давлат божхона қўмитаси ахборот хизмати.
Яқинда Тошкент вилояти божхона бошқармаси “Ғишткўприк” божхона комплексига қўшни давлатдан кириб келган республикамиз фуқароси, 1991 йилда туғилган Т.М божхона назоратидан ўтиши чоғида у божхоначиларга белгиланган меъёрдан ортиқча товарлари йўқлигини маълум қилди.
Аммо, унинг шубҳали хатти-ҳаракатлари ҳушёр ходимлар диққатини ўзига тортди. Шундан сўнг ушбу шахс холислар иштирокида шахсий кўрикдан ўтказилганида, эгнидаги кийимлари орасига яширилган, қиймати 3 900 000 сўмлик 39 дона “IRBIS” номли уяли алоқа телефонлари мавжудлиги аниқланди.
Ҳозирда ушбу ҳолат юзасидан текширув ҳаракатлари олиб борилмоқда.
Мавзуга оид
21:29 / 27.09.2024
Чилонзорда “дом” қурмоқчи бўлган фирма мансабдорлари терговга тортилди
18:26 / 16.09.2024
ИИБнинг шармандали “резултат”и ҳамда “ясалган” жиноят: хаста ва ҳимоясиз аёл қамоққа ташланди
14:07 / 12.09.2024
Россияда оғир ва ўта оғир жиноятлар бўйича энг юқори кўрсаткич қайд этилди
15:43 / 03.08.2024