Африка давлатларида катарактани олиб ташлаш бўйича 1,5 млн та операция ўтказилади

Туркия Ислом тараққиёт банки (ИТБ) кўмагида Ислом бирдамлик жамғармаси (ISFD) ташаббус билдирган “Кўрликка қарши кураш” лойиҳаси доирасидаги ишларни бошқармоқда. 

Лойиҳа доирасида Африка давлатларида 5 йил ичида катарактани олиб ташлаш бўйича 1,5 млн та операция ўтказиш режалаштирилмоқда. Лойиҳани амалга ошириш бошланиши ИТБнинг Тунисдаги 43-йиғилишида эълон қилинган.

Туркия соғлиқни сақлаш вазири ўринбосари Аюб Гумушнинг маълум қилишича, лойиҳа доирасида катарактани олиб ташлаш бўйича операциялар 1,5 млнтани ташкил қилади, шундан кейин шифокорлар беморларга 10 млнта кўзойнак ёзиб беришади. “Ўйлайманки, бу ҳаммаси эмас. Биз йилига миллионтагача операция ўтказишимиз мумкин”, деб қўшимча қилган Гумуш.