Ўзбекистонлик шахс Москвадаги қурилаётган мактабда ИШИДга жангариларни ёллаган

Фото: RTL

ИШИД тарафдори Москвадаги қурилаётган мактаблардан бирининг ҳудудида Сурияга юбориш учун жангариларни ёллаган, у шу ернинг ўзида истиқомат қилган. Бу ҳақда Россия пойтахтининг ҳуқуқни муҳофаза қилиш органлари хабар берди.

Ўзбекистонлик 26 ёшли Анвар Маҳмудов март ойи охирида қўлга олинган. «Террорчилик фаолиятига кўмак кўрсатиш» моддаси билан жиноят иши қўзғатилди, деб хабар берди РЕН ТВ.

Ушбу шахс мамлакатга кириш қоидаларини бузгани учун ушланган. Кейинчалик ижтимоий тармоқлардаги унинг саҳифаларида терроризмни оқлаш белгилари аниқланди.