Бахтиёр Саидов Мўғулистондаги элчи этиб тайинланди

Фото: Ўзбекистоннинг Хитойдаги элчихонаси

Ўтган йилнинг ёзидан бери Ўзбекистоннинг Хитойдаги элчиси вазифасида ишлаб келаётган Бахтиёр Саидов бир вақтнинг ўзида Мўғулистондаги (қароргоҳи Пекинда жойлашган) элчи этиб тайинланди.

4 апрель куни Бахтиёр Саидов Мўғулистон президенти Халтмаагийн Баттулгага ишонч ёрлиқларини топширди. Бу ҳақда Ўзбекистоннинг Хитойдаги элчихонаси хабар берган.

Мулоқот чоғида сиёсий, савдо-иқтисодий, маданий-гуманитар ва бошқа соҳаларда ўзбек-мўғул муносабатларининг долзарб масалалари муҳокама қилинди.

Томонлар икки мамлакат ўртасида савдо-иқтисодий ҳамкорликни чуқурлаштиришга қизиқиш билдирди.