Россияда Қозоғистондан кириб келаётган сут устидан назорат кучайтирилди

Фото: ТАСС

Россиянинг Қишлоқ хўжалиги маҳсулотларини назорат қилиш хизмати ҳудудий бошқармаларга Қозоғистондан кириб келаётган сут маҳсулотлари устидан назоратни кучайтириш ҳақида кўрсатма берди. Бу ҳақда хизмат сайтида хабар қилинади.

«Россельхознадзор ҳудудий бошқармаларга ушбу маҳсулотга нисбатан унинг қаерда ишлаб чиқарилгани бўйича назоратни кучайтириш ҳақида топшириқ берди», - дея маълум қилишган Россельхознадзордан.

Хизматдан таъкидлашларича, Россельхознадзор томонидан ўтказилган таҳлил доирасида 2018 йилнинг илк уч ойи давомида Қозоғистон Республикасидан Россияга 4041 тонна сут маҳсулоти етказиб берилгани, бу аввалги 5 йилдаги етказиб бериш ҳажмларидан кўплиги аниқланди.