Фото: РИА Новости / Стрингер
Грузиянинг собиқ президенти Михаил Саакашвили ўзига янги иш топганини маълум қилди. Унинг айтишича, у Нидерландияда маърузалар ўқийди.
“Нидерландия спикерлар академияси билан ҳамкорлик ҳақида келишиб олдим. Мен Европада маърузалар орқали пул топаман. Академиянинг жамоаси аъло экан. Умид қиламанки, узоқ вақт маърузалар ўқишимга тўғри келмайди, тажрибамни эса маърузаларга эмас, олигархларни ҳокимиятдан четлатиш ва ҳақиқий реформациялар учун қўллайман”, деб ёзган Саакашвили Facebook’да.
Февралда Украина ҳукумати Саакашвилини Польшага жўнатиб юборган. Шундан кейин у Нидерландияга борган ва у ерда Европа Иттифоқида яшаш ва ишлаш ҳуқуқини берувчи шахсни тасдиқловчи гувоҳнома олган ва ўшандан бери бу давлатда яшамоқда.
