Андижондаги мактабда қотиллик содир бўлди

Андижон шаҳрида мактабнинг юқори синф ўқувчиси мактабдошини пичоқ билан ўлдирди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берган.

«Андижон шаҳрида 7 апрель куни  соат 11.00ларда ўрта мактабнинг юқори синф ўқувчиси Ш.А. ўзаро жанжал оқибатида ўқувчи М.С.нинг кўкрак қисмига пичоқ билан уриб жароҳат етказган. Натижада жароҳатланган ўқувчи касалхонага ётқизилиб кўрсатилган тиббий муолажаларга қарамай вафот этган», дейилган хабарда.