Намангандан келиб Тошкентда босқинчилик ва талончилик қилган шахс ушланди

Тошкент шаҳрининг Яшнобод туманида жиноятчи ушланди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 8 апрель куни аввал содир этган жинояти учун ушланган, Наманган вилояти Янгиқўрғон тумани Хожикент қишлоғида яшовчи, муқаддам судланган, 1997 йилда туғилган С.О.ни тергов қилиш жараёнида, у жорий йилнинг 3 январь куни соат 23.00ларда, М.Улуғбек кўчасида жойлашган “Бочка” ресторани олдида 1998 йилда туғилган К.У.нинг бошига қўллари билан уриб жароҳат етказиб, ичида “Нокия” мобиль телефони, ва пуллари бўлган сумкасини олиб кетганлиги аниқланган.

Шунингдек, у 2018 йил 3 январь куни “Бочка” ресторани олдида соат 00.10ларда, 1977 йилда туғилган С.О.ни куч ишлатиш йўли билан қўрқитиб, ичида “UzTe” мобиль телефони ва фуқаролик паспорти бўлган сумкасини олиб кетганлиги аниқланган.