«Ливерпуль» Чемпионлар лигаси чорак финалининг иккинчи учрашувида «Манчестер Сити»ни енгди (2:1).
Шу тариқа, мерсисайдликлар Пеп Гвардиола жамоасини бир мавсумда 3 марта енгган илк клубга айланди. Ўтган ҳафтада Ливерпулда кечган биринчи ўйинда Юрген Клопп шогирдлари 3:0 ҳисобидаги ишончли ғалабага эришганди. Бундан ташқари, «шаҳарликлар» «Энфилд»да Англия чемпионати доирасида январь ойида ўтказилган ўйинда мағлуб бўлганди – 3:4.
Гвардиола «Барселона» ва «Бавария»да ишлаганида жамоалари бир мавсумда бир рақибга 3 марта ютқазгани кузатилмаганди.
Чемпионлар лигаси ярим финали учун қуръа 13 апрель куни ташланади.
