Британиянинг Кипрдаги самолётлари Сурияга зарба беришга тайёр турибди

Фото: The Times/JACK HILL

Британия ҳарбий-ҳаво кучларининг Кипрда жойлашган самолётлари Сурияга авиазарба бериш мақсадида бутунлай жанговар ҳолатга келтирилди. Бу ҳақда Times хабар бермоқда.

«Бизнинг самолётлар Акротиридаги учиш-қўниш йўлагида турибди. Биз тайёрмиз», - дея хабар берган Британия ҳукуматидаги манба.

Таъкидланишича, Буюк Британиянинг Суриядаги ҳарбий амалиётига, лозим бўлиб қолган тақдирда, Type 45 Destroyer ва HMS Duncan эскадра миноносеци ҳам жалб этилиши мумкин.

Эслатиб ўтамиз, аввалроқ Мэй Трампга Сурияда қўшма ҳарбий кампания бўйича рад жавобини бергани хабар қилинганди.