Бухорода ўз отасини уриб ўлдирган шахс қўлга олинди

Бухоро вилоятининг Вобкент туманида фожиа юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 9 апрель куни соат 23.45ларда, “Работоҳун” МФЙ Бинокор кўчасида яшовчи, 1991 йилда туғилган Б.Н. уйида ўзаро жанжал оқибатида бирга яшовчи отаси, 1964 йилда туғилган Ф.Н.нинг бошига дазмол билан уриб жароҳат етказган. 

Натижада Ф.Н. касалхонага ётқизилган ва кўрсатилган тиббий муолажаларга қарамай вафот этган. Б.Н. қўлга олинган.