Трамп ракеталар ҳақида ижтимоий тармоқ орқали хабар берганидан ҳайратга тушдик – Россия ТИВ

Россия ТИВ расмий вакили Мария Захарованинг айтишича, АҚШ президенти Дональд Трамп «ақлли» ракеталар ҳақида хабар бериш учун ижтимоий тармоқдан фойдаланганидан ҳайратга тушган. Бу ҳақда РИА «Новости» маълум қилмоқда.

«Мен шундай кучли хабар ижтимоий тармоқлар орқали юборилганидан ҳайратга тушдим, сабаби бу айнан шерикка телефон қўнғироғини амалга оширадиган пайт эди», - дея маълум қилган у.

Захарованинг сўзларига кўра, Россияга Суриядаги ҳаракатлари учун миннатдорлик эмас, балки «ҳамкорлик» керак.

«Биз уч йил аввал таклиф билан чиққандик, бироқ ҳеч нарса ўзгармади, биз Сурия бўйича ҳақиқатдан ҳам қалинроқ ҳамкорлик қилишни хоҳлаймиз, бизга бу ҳақиқатдан ҳам керак. Биз ушбу барча муаммоларни куч билан эмас, балки телефон қўнғироғи орқали ҳал қила оламиз», - дея қўшимча қилиб ўтди Захарова.

Эслатиб ўтамиз, аввалроқ Трамп Сурияда бажарилган иш учун миннатдорлик йўқлигидан ҳайратга тушганди.