Сурияга берилган зарбалар оқибатида жабрланганлар бор – ОАВ

Фото: SANA/Handout via REUTERS

АҚШ, Буюк Британия ва Франциянинг Сурия ҳудудига берилган ракета зарбалари натижасида уч киши жабрланди. Бу ҳақда Reuters Суриянинг SANA агентлигига асосан хабар бермоқда.

Хабарда айтилишича, Хомс вилоятидаги тадқиқот марказига ҳам ташқи томондан зиён етган.

«Хомсдаги ҳарбий базага қарата учирилган ракеталар тутиб олинди ва йўналишдан четлаштирилди, оддий аҳоли вакилларининг уч нафари жабрланди», - дейилади хабарда.

Шу билан бирга, РИА «Новости»’нинг Сурия хавфсизлик органларидаги манбага асосан хабар беришича, оддий аҳоли вакилларидан олти нафари жабрланган.

Эслатиб ўтамиз, аввалроқ АҚШ Сурияга зарбалар бериш якунлангани ҳақида маълум қилганди.

Тайёрлаган Отабек Матназаров

#АҚШ #Сурия

АҚШ президенти Дональд Трамп 14 апрель куни Сурияга нисбатан ракета ҳужуми бошланганини билдирди. АҚШ ва унинг иттифоқчилари Сурияда кимёвий қуроллар ишлатилишига жавобан Асад ҳукуматига қарши ҳарбий амалиёт ўтказмоқда.