АFP нашри ҳафтанинг энг машҳур суратларини эълон қилишда давом этмоқда. Қуйида ҳафта воқеаларини акс этган суратлар ҳавола этилади.
1. Париж. Елисей саройи. 10 апрель. Ливан бош вазири Саад Ҳаририй Саудия валиаҳд шаҳзодаси Муҳаммад бин Салмон ва Франция президенти Эмманюэль Макрон билан селфи тушмоқда. Шу куни Саудия ва Франция қиймати 18 миллиард доллардан кўпроқ бўлган шартномалар имзолашди.
2. Франция. 10 апрель. Экологик ҳаракат фаоллари янги аэропорт қурилишига қарши намойишда «Молотов коктейли»дан фойдаланишмоқда.
3. Мадрид. 11 апрель. «Реал» футболчиси Криштиану Роналду «Ювентус» дарвозасига урилган ғалаба голини нишонламоқда.
4. Лос-Анжелес. 8 апрель. «Лос-Анжелес Гэлакси» ҳужумчиси Златан Ибраҳимович жамоасининг мағлубиятига захира ўриндиғидан муносабат билдирмоқда.
5. Вашингтон. 11 апрель. Facebook асосчиси Марк Цукерберг АҚШ Конгресида ижтимоий тармоқдаги хавфсизлик борасида саволларга жавоб бермоқда. Кўпчилик унинг Конгрессда ўзини тутишини роботга ўхшатди.
6. Германия. 10 апрель. Америкада кўп тарқалган «Индиана» бургути жазирамада чўмилмоқда.
7. Малайзия, Куала-Лумпур. 11 апрель. «Ливерпуль»нинг бу малайзиялик мухлиси севимли жамоасининг 1 278та либосини йиққан.
8. Жазоир. 11 апрель. Мамлакат тарихидаги энг катта авиаҳалокатда 257 киши ҳалок бўлди...
9. Манчестер. 7 апрель. Поль Погба 97 сония ичида «Манчестер Сити»нинг 2:0 ҳисобидаги устунлигини йўққа чиқарди. Бу суратда Погба иккинчи голини урмоқда.
10. Исроил. Исроил армияси зобити танкнинг керакли нуқтага туришига ёрдам бермоқда. Суратда у таслим бўлган аскардек таассурот уйғотган.
11. Шимолий Корея. 8 апрель. Мамлакат асосчиси деб таъкидланадиган Ким Ир Сеннинг туғилган кунига бағишланган оммавий марафон.
12. Вашингтон. 10 апрель. Марк Цукерберг барчанинг диққати марказида ҳисобот бермоқда.
13. Марокашнинг Саҳрои Кабир жойлашган қисмида анъанавий марафон ўтказилмоқда.
14. Вашингтон. 10 апрель. «Avaaz» адвокатлар гуруҳи Цукербергнинг 100та қоғоздан ясалган макетини кўчага жойлаштиришди ва бу билан унинг корхонаси миллионлаб ҳужжатларни сохталаштирганига эътибор қаратишларини сўрашди.
15. Малайзия. 10 апрель. Ҳаёт учун кураш. Калтакесак ўз ўлжасини емоқда...
16. Ҳалаб. 7 апрель. Суриялик ёшлар шаҳар ҳаробаларида экстримал спорт билан шуғулланишмоқда.
17. Нью-Йорк. 10 апрель. Россиянинг БМТдаги ва БМТ хавфсизлик кенгашидаги доимий вакили Василий Небензя суриялик ҳамкасби Башар Жаъфарий билан.
18. Пекин. 9 апрель. Қарға ҳайвонот боғидаги панданинг сочига «безак бермоқда».
19. Аргентина. Қутқарувчилар соҳилга чиқиб қолган ёши катта китга ёрдам беришга ва уни сувга қайтаришга уринишмоқда. Бироқ ҳаракатлар бефойда кетди ва жонивор ҳалок бўлди...
20. Колумбия. 9 апрель. Норвегия бош вазири Эрна Сулберг ва Колумбия президенти Хуан Мануэль Сантос футбол ўйнамоқда.
21. Бангладеш. 9 апрель. Талабалар ҳукуматнинг квота тизимига қарши намойишга чиқишди.
22. Шимолий Корея. 9 апрель. Талабалар Ким Ир Сеннинг туғилган кунига бағишланган оммавий рақс фестивалида.
23. Мексика. 7 апрель. АҚШ ва Мексика ўртасидаги деворнинг Мексика томонида турган болакай.
24. Исроил. 7 апрель. Маҳаллий насронийлар «Муқаддас олов» маросимида қатнашишмоқда.
25. Бугунги Сурия битта суратда. Ҳарбий кийимдаги президент Башар Асад ва унинг сурати ёнидаги аскар...
