АҚШда 8 ёшли бола мактабдошларига пичоқ билан ҳужум қилди

АҚШнинг Миннесота штатида 8 ёшли мактаб ўқувчиси мактабга ошхона пичоғи билан келиб, у билан уч ўқувчига шикаст етказди. Бу ҳақда Time нашри хабар берган.

“Ҳужум оқибатида 8, 9 ва 13 ёшли бола тикилиши керак бўлган “сиртқи жароҳатлар” олган”, деб айтилган хабарда.

Бола дарслар бошланишидан аввал ўқувчиларга ҳужум қилган. Вазиятга ўқитувчи аралашган. Полиция болани сўроқ қилиб, ота-онаси олдига қўйиб юборган. Ушбу ҳужум бўйича иш округ прокуратурасига жўнатилади.

Боланинг ҳужум қилиши сабаблари номаълум.