![](https://storage.kun.uz/source/3/-2_kqo8Nl5fNoWeS7UoTl_6JN-bynjTm.jpg)
Тожикистон парламентининг қуйи палатаси 19 апрелда ҳукумат томонидан таклиф қилинган “Ота-оналарнинг фарзандлари таълими ва тарбияси учун жавобгарлиги тўғрисида”ги қонунга тузатишларни қўллаб-қувватлади.
Қабул қилинган тузатишларга кўра, Тожикистоннинг балоғатга етмаган фуқароларига соат 18.00дан эрталабки соат 6.00гача тунги клублар, дискотекалар, интернет-кафе, компьютер марказлари, букмекерлик идоралари, қиморхоналар ва ресторанларга бориш тақиқланади.
Қонуннинг 2011 йилда қабул қилинган дастлабки кўринишида тақиқлов вақти 1 апрелдан 30 сентябргача соат 22дан соат 6гача, 1 октябрдан 31 мартгача эса соат 20дан соат 6гача давом этган.
Тақиқлов Тожикистоннинг 18 ёшгача бўлган барча фуқароларига тааллуқли ҳисобланади. Аввал Тожикистон меъёрий-ҳуқуқий ҳужжатлари 20 ёш бўлмаганларга бундай жойларга кечки вақт боришни тақиқлаган.
Қонунни бузганлик учун ота-оналар 50 сомонийдан 150 сомонийгача (5-15 доллар атрофида) жаримага солинадилар.