Трамп Россия, Хитой ва бошқа давлатлар билан муносабатларни яхшилаш истагини билдирди

Фото: Reuters

АҚШ президенти Дональд Трамп Россия, Хитой, Япония ва бошқа давлатлар билан муносабатларни йўлга қўйиш яхши бўлишини айтди.

“Агар биз Хитой, Россия, Япония ва бошқа давлатлар билан муносабатларни йўлга қўя олсак – бу яхши бўлади, ёмон эмас”, деб айтган Трамп Флоридада Япония бош вазири Синдзо Абэ билан учрашувга бағишланган матбуот анжуманда.

Шу билан бирга Трампдан Россияга қарши янги санкцияларни қачон киритиши ҳақида сўралганда, у “Россия янги санкцияларга лойиқ бўлиши биланоқ” уларни киритишини айтган.

Трамп Россияга нисбатан “ҳаммадан кўра қаттиққўлроқ муносабатда эканлигини” айтган.

“Россияга нисбатан Дональд Трампдан қаттиққўлроқ муносабатда бўлган бирор кимса йўқ”, деб айтган Трамп.