Колумбия молия вазири Маурисио Карденас 19 апрелда Венесуэлани Халқаро валюта жамғармаси ёрдамида молиявий қутқариш бўйича 60 млрд долларлик ўз режасини маълум қилди.
Унинг айтишича, гап гиперинфляция ва тақчилликни бошдан кечираётган, бироқ амалдаги ҳукумат вақтида буни ҳал қилишнинг имкони бўлмаган қўшни давлатдаги макроиқтисодий вазиятни барқарорлаштириш бўйича чоралар ҳақида кетмоқда.
“Венесуэлада ҳокимият қачон алмашишини ҳеч ким билмайди, бироқ биз бунга тайёр бўлишимиз лозим”, деб айтган Карденас Вашингтонда.
Колумбиялик вазирнинг айтишича, 60 млрд доллар Венесуэлада қишлоқ хўжалиги ва саноатни ишлаб чиқариш қувватлари билан таъминлаш учун импортнинг минимал даражасини таъминлаш учун зарур.
Карденас ХВЖ ва Жаҳон банкининг бошқарув идоралари баҳорги сессияси доирасида Венесуэла масаласини муҳокама қилиш учун турли давлатлар молия вазирлари билан учрашмоқчи.
