Ла Лига. «Валенсия» очко йўқотиб, «Реал»га етиб олиш имкониятини бой берди

Испания чемпионатининг 34-турида «Валенсия» сафарда «Сельта» билан беллашди.

Иккинчи бўлимда томонлар қисқа вақт ичида биттадан гол уриб, якунда дурангга имзо чекишди. Бу натижа кўпроқ «кўршапалаклар»ни қониқтирмади. Чунки улар мусобақа жадвалида «Реал» билан тенглашиб олиш имкониятини бой беришди.

Айни пайтда, «Валенсия» 66 очко билан 4-ўринда, «Сельта» 45 очко билан 10-ўринда бормоқда. «Реал» 68 очко билан 3-ўринни эгаллаб турибди.

Ла Лига, 34-тур
Сельта – Валенсия 1:1 (0:0, 1:1)
21 апрель, «Балайдос» стадиони
Голлар: 0:1 – 59 Санти Мина, 1:1 – 63 Макси Гомес. 
Сельта – Альварес, Кабраль, Мальо, Ронкалья (Фонтас, 20), Гомес (Эрнандес, 72), Хосабед, Лоботка, Васс, Браис Мендес, Систо (Мор, 81), Макси Гомес.
Валенсия – Нето, Гарай, Тони Лато, Рубен Везу, Габриэл, Перейра, Солер, Кондогбиа, Гонсалу Гедеш (Ферран Торрес, 78), Санти Мина (Вьетто, 85), Родриго.
Огоҳлантиришлар: Гомес (43), Рубен Везу (62), Гарай (90).