НАТО бош котиби Россияни «халқаро ҳуқуқни ҳурмат қилишга» чақирди

Фото: Reuters

НАТО бош котиби Йенс Столтенбергнинг маълум қилишича, Россия халқаро муносабатларнинг яхшиланиши учун халқаро ҳуқуқни ҳурмат қилиши лозим. Бу ҳақда Welt хабар бермоқда.

«Бизнинг муносабатларимиз яхшиланиши учун, Россия халқаро ҳуқуқни ҳурмат қилиши керак. НАТО Россияни яккалатиб қўймоқчи эмас, Россия – бизнинг қўшни», - дея айтиб ўтди Столтенберг.

Шунингдек унинг таъкидлашича, Россия билан мулоқот «мураккаб, лекин муҳим».

Шунингдек Столтенбергнинг маълум қилишича, Россия томонидан ўз ядро қуролини модернизация қилинишига жавобан блок ядровий босиб туришни кучайтириши даркор.

У бу ҳақда АҚШ қуролли кучлари Стратегик қўмондонлиги штабига ташрифи давомида айтиб ўтди. Қайд этилишича, бу НАТО раҳбарининг ташкилотга сўнгги 54 йил ичидаги биринчи ташрифи.