Афғонистонда толибларнинг ҳужуми оқибатида 9 ҳарбий ҳалок бўлди

Фото: AP Photo / Rahmat Gul

Афғонистон шимолидаги блокпостларга “Толибон” ҳаракати жангарилари ҳужум қилиши оқибатида 9 ҳарбий ҳалок бўлди, 15 нафари яраланди. Бу ҳақда Фарёб вилояти губернатори Муҳаммад Солиҳ Солиҳга иқтибос келтирган ҳолда 1TV телеканали маълум қилди.

Телеканал маълумотларига кўра, ҳужум 26 апрелга ўтар кечаси содир этилган. Жангарилар билан тўқнашув 8 соат давом этган.

Ҳарбийларнинг қарши ҳужуми оқибатида 15 жангари йўқ қилинган, 5 нафари яраланган. Бундан ташқари, йўқ қилинган жангарилар орасида уларнинг Муҳаммад Амин исмли қўмондони ҳам бўлган.