Унаи Эмери «ПСЖ»дан кетишини эълон қилди

Фото: Goal.com

«ПСЖ» бош мураббийи Унаи Эмери мавсум якунлангач, ўз лавозимини тарк этади. Бу ҳақда у махсус матбуот анжуманида таъкидлаб ўтган.

«Клуб раҳбарларига, ходимларига ва спорт директорига бу ҳақида айтганман. Мавсум сўнгида жамоани тарк этаман. Чемпионликдан сўнг курашадиган яна битта соврин — кубок қолмоқда. Шундан сўнг барчаси тугайди», дея Эмерининг сўзларини келтиради ESPN.

46 ёшли испаниялик мутахассис 2016 йилдан буён «ПСЖ»ни бошқариб келаётганди. Ўтган икки мавсумда у Франция чемпиони, Франция кубоги (жорий мавсумда ҳам жамоа финалга чиққан. Энди ўтказади), Франция лигаси кубоги(икки марта) ва Франция суперкубогида (икки марта) зафар қучган.