Венесуэла ва Панама ўртасидаги авиаалоқа 1 майдан тикланади

Венесуэла ва Панама ўртасидаги авиаалоқа 1 майдан тикланадиган бўлди. Авиаалоқа икки давлат ўртасидаги муносабатлар кескинлашуви оқибатида тўхтаб қолган эди. Бу ҳақда Панаманинг энг йирик авиакомпанияси Copa Airlines маълум қилди.  

Венесуэла апрель бошида Панама билан савдо-иқтисодий муносабатларни 90 кунга тўхтатганди. Бу Панаманинг 46 нафар юридик ва 22 жисмоний шахсига тааллуқли бўлган. Бу компаниялар қаторига Сора авиакомпанияси ҳам тушган. Панама ҳам шунга монанд жавоб қайтариб, Венесуэла авиакомпаниялари билан ишлашни тақиқлаган. Шунингдек, икки давлат ўз элчиларини чақиртириб олган.   

26 апрелда эса Венесуэла президенти Николас Мадуро икки давлат ўз элчиларини қайтаришга келишиб олганини маълум қилган.