Британия ички ишлар вазири муҳожирлар сабабли истеъфога кетди
Британия ички ишлар вазири Амбер Радд истеъфога кетди, бош вазир унинг истефосини қабул қилган, деб хабар бермоқда Sky News телеканали.
Маълум қилинишича, Радд бундай қарорни Британияда “Windrush авлоди” атрофида кўтарилган можаро сабабли қабул қилган.
“Windrush авлоди” 1948 йил 22 июнда Британияга Африка ва Кариб оролларидан олиб келинган 492 муҳожир бўлиб, уларни олиб келган кема номи билан шундай аталганлар. Бу муҳожирлар мамлакатга Иккинчи жаҳон урушидан кейин ишчи кучи етишмаслигини қоплаш учун таклиф қилинганлар.
Яқинда 1940-йиллар охиридан 1970-йилларгача келган муҳожирларнинг кўплаб яқинлари Британия ҳукумати томонидан ноқонуний муҳожир деб қаралгани аниқланган. Баъзилар ортларига жўнаб кетишга мажбур бўлганлар, бошқаларга эса депортация қилинишлари мумкинлиги ҳақида огоҳлантиришлар қилинган, улар ишларини ва тиббий хизматга ҳуқуқларини йўқотганлар.
Ўтган ҳафта Британия ОАВ ички ишлар вазирлиги ҳар йили маълум миқдорда муҳожирларни депортация қилиши белгиланган ҳужжатлардан хабардор бўлган. Радд 25 апрелда бундай кўрсатмалар йўқлигини айтган, бироқ 2 кун ўтиб бу ҳақда билмагани учун узр келтирган.
Мавзуга оид
16:19 / 09.10.2024
Британия аҳолиси мигрантлар ҳисобига сўнгги 50 йил ичида энг юқори даражада ўсди
13:20 / 04.10.2024
Евроиттифоқ ва Британия ҳамкорлик тўғрисида келишиб олди
09:50 / 23.09.2024
Британия компанияси Ўзбекистон бўйлаб ҳашаматли сайёҳлик поездини йўлга қўйди
08:50 / 23.09.2024